|
Testament
: |
18 juin 1611
à
Sainte-Sigolène 43
reçu maître BAILLARD, notire à Sainte-Sigolène, AD 43 3E407/4 f° VII à XIII
"Soit au nom de Dieu et à tous présent & advenir notoire que l'an mil six cent et unze & le dix huictiesme jour du mois de juing avant midy, Lois par la grace de Dieu roy de France et de Navarre / régnant, et pardevant moy notaire royal soubzsigné et en présence des tesmoingtz cy après nommés personnellement establie Clauda Dusuc vefve de feu Reymond Durieu du lieu du suc parroisse Saincte Ségolène au diocèze du Puy laquelle estant indisposée de sa per sonne, toutesfois saine de ses sens mémoire & entendement, considérant la mort estre certaine à ung chacun et l'heure d'icelle incertaine, voullant pourvoir au salut de son âme & disposer des biens que Dieu luy a donnés en ce monde afin qu'après sa mort à faulte de dispozition procès et débat ne survienne entre ses enfans, parens et amys, à ceste cause ladite Clauda Dusuc de sa libéralle volonté, non induicte, séduicte ne subornée aucunement, a faict son testament n uncupatif et ordonnance de dernière volonté en la manière que s'ensuict : Premièrement s'est munie du signe de la Saincte Croix disant au nom du Père, du Fils et du Benoist Sainct Esprit amen. Secondement a recommandé son âme à Dieu l e père tout puissant, le priant à mains joinctes la voulloir pardonner comme de très bon coeur ell pardonne tous ceux et celles qui la porroient avoir offensé, et comme son corps est provenu du limon de la terre a voullu et veult y estre retourné encepvely au cimentière de l'esglize parrochielle dudit Saincte Ségolène tumbeau dudit feu Reymond Durieu son mary et autres ses devantiers parens et amys trespassés, et pour le regard de ses funérailles, pies causes et aulmos nes s'en remect à la discrétion de son héretier bas nommé auquel a dict avoir toute fidélité si donne et lègue à messires les prestres de l'église parrochielle dudict Saincte Ségolène à ceulx qui sont de présent ou seront pour l' advenir la somme de cinq livres tournois ou bien cinq sols d'annuelle pention pareilhement à chacun an et chacune feste de Toussainctz à la charge qu'ilz nt tenus de dire tous les ans et feste Mr Sainct Claude une messe en hault donné comm e dessus. Item donne et lègue et par droict d'institution héréditaire portion laisse à Jehan et Sébastien Durieu ses fils naturelz et légitimes, à chacun la somme de quatre cens livres tournois, quantité de dix cestiers bled seigle me sure de la Tour, ung lict d'une couverte et deux linceux, deux brebis, une vache ou pour la valleur dix huit livres tournois, laquelle somme, quantité et choses susdites veult que leur soient paiés par les paies que seront dictes par parens et amys lhors qu'ilz se colloqueront en mariage ou qu'ils seront d'aage compétant, et moiennant ladite susdide quantité et choses susdites a voullu que lesdits Jehan et Sébastien soient contans de ses biens sans y pouvoir jamais demander autre chose, les instituant ses héritiers particuliers. Item donne et lègue et par droict d'institution héréditaire portion laisse à Jehanne et Gaspare Durieu ses filhes mariées, outre leurs constitutions, à chacune la somme de trois l ivres tournois, laquelle somme /veult qu'elles empoient à l'achept d'ung (deil) et que leur soit paié incontinant après son décèz. Et avec ce veult qu'elles soient contantes de ses biens sans y pouvoir dema nder autre chose, les instituans ses héretières particulières. Item donne et lègue à Berthe Dubosc femme d'Estienne Durieu son fils mesme somme de trois livres pour emploier aussy en l'achept d'ung (deil) paiable ladite somme incontinant après son décèz. Item donne et lègue à tous autres prétendans droict en ses biens mesmes audit Estienne la somme de cinq sols pour une fois, et avec ce les faict et ung chacun d'eux ses héretiers particuliers, voullu qu'ilz ne puissen t autre chose demander en ses biens, les instituant ses héretiers particuliers. Et pour ce que le chef et fondement de tout bon et vallable testament est l'institution d'héretier sans laquelle tout testament seroit nul et afin que le prése nt soit valable, icelle testatrice en tous et chacuns ses autres biens meubles immeubles droictz noms raisons actions présent et advenir quelconques a faict et institué et de sa propre bouche nommé son héretier universel et général, c'e st assavoir Gabriel Durieu son filz illec présent humblement la remerciant pour en faire à ses plaisirs et volontés à la charge de paier tous ses debtes et légatz susdits. C'est son testament et disposition de dernière volonté que veul t valoir par droict de testament, codicil, donnation à cause de mort et aultrement par la mellieur forme que de droict pourra valoir, cassant, révocant et anullant toutes précédantes dispositions, veult que le présent testament sorte son plain et entier effect, et a requis les tesmoingz bas nommés venus à sa réquisition de son présent testement estre recordz pour, si besoing est à l'advenir, en porter tesmoignage de vérité & à moy notaire d'en faire escripre et reten ir acte et instrument pour l'expédier à qui appartiendra, qu'a esté faict audit lieu du suc maison de ladite testatrice, présent Claude Barlet du monteil soubzsigné, Jehan Dubosc du lieu du bosc allichier parroisse de Sainct Pal de Mons, Anthoine Chausse dudit lieu du suc, Barthelemy Sartre du lieu de la roe, Pierre Bergeron & Claude Cornilhon du lieu de messignac & Pierre Durieu du lieu de pine qui & la testatrice n'ont sceu signer et moy notaire royal soubzsigné recevant. " (transcription arbre thollet).
(Source : voir fichier Geneanet de Claude Royon).
|
SUC
Catherine
SUC N... ( ? - ? )
CHAUSSE Antoine ( ? - ? )
SUC
Marguerite
- 12 165
