|
Note individuelle
: |
Du Perrrier à Saint-Lattier (38).
Se range de bonne heure dans la religion protestante aux cotés du Baron des Adrets, puisqu' en 1562 il est nommé par ce dernier Capitaine-Commandant de La Saune, Saint-Lattier, Saint-Nazaire-en-Royans, Montmirail et Saint-Etienne de Montagne.
Par ordonnance du baron des Adrets datée de Grenoble, François commandera les troupes du Baron des Adrets dans le Royans entre 1562 et 1567, s'installant à Saint-Nazaire-en-Royans, ce qui n'est pas du goût des habitants du lieu.
(Source : voir fichier Geneanet famille Etienne).
Texte de sa nomination du 30 juin 1562 :
Francois de Beaulmont, seigneur des Adretz, gentilhomme ordinère de la chambre du Roy, collonel des légions de Daulphiné, Provence Lionnois et Auvergnie, esleu chiefz et général des compagnies assemblées esd. pais pour le service de Dieu et du Roy, à François Chosson du Perier salut : Sachant que ès lieux de la Saune, StLatier, St-Nazaire en Royans, St-Jehan d'Autavéon, Montmiral, Montaigne et St. Estienne de Montaigne est besoing de pourvoyr à ce que quelque trouble ou sedicion s'ensuyvroit entre les habitans desd, lieux tant pour le faict de la religion que aultre, soubs colleur d'icelle, pour aultant que vous en estes voisin, et en l'asseurance que j'ay du zelle que vous avés tant à l'advancement de la gloire de Dieu que Testat de son esglize soit maintenu en son entier, et que les grandeurs et authoritez du Roy et de la Royne, sa mère, soyent tenus en tel honneur et reverance qu'il apertient, vous avons esleu, nommé et créé, eslizons, nommons et créons, par ces presentes, supperintendent et cappiteyne commandant pour le susd, servyce aux manans et habitans desd, lieux, soient juges, chastelains ou aultres, de quelque estat qualité ou condicion, ausquelz et à chacung d'eulx nous mandons et commandons et enjoignons très expressément vous recevoyr avec le nombre d'hommes de guerre que vous verres y estre requis et necessère, et à vous et ausditz hommes de guerre fornir tous ensemble et le chascun d'eux prorata de logis, vivres et utencilles et vituallies requises et nécessères pour voz honnestes norritures et entretenement : assavoyr, au chascun desditz soldars et hommes de guerre à pied qui seront avec vous pour l'exécution du contenu en vostre charge, à la raison de 4 solz tournois par jour chascun et à vous sellon que vostre estat et qualité le requiert, qui sera par les esglizes reformées desditz lieux ordonné et taxé, à quoy nous voulons lesditz habitans estre contrainctz par prinze, saisie de leurs biens et emprizonnement de leurs personnes, nonobstant oppositions ou appellations quelconques et sans préjudice d'icelles, pour lesquelles nous ne voulons estre aulcunement retardé. Et pource qu'il est besoing et plus que nécessere pour ne foller le paouvre peuple des despences qu'il convient faire pour le faict susdit et pour empêcher les larrecins qui sont desjà esté par trop pratiqué par plusieurs personnes de tous estas, au grand préjudice et interests de sa Majesté et du public, nous vous mandons et commettons par ces présentes que vous faciès incontinant faire bon et deu invantaire de tous le reliquere que vous pourrés trover lés temples, couvens, abayes, monastères, cures, priorés et chappelles desditz lieux et iceulx vous faciès mettre en main de personnes reseantes et solvables, ensemble tous les joiaulx et meubles que vous saurés et trouvères apertenir ausditz benisfices, couvens et monastères pour en randre compte au proffit du Roy ; et pour savoyr à la verité le compte desdits reliquaires qui seront esté aliehnés ou cachés, nous vous mandons contraindre tous greffiers et aultres qu'il apertiendra de remettre entre vous mains les extraictz des inventaires qui en furent faictz par autorité des feuz Roys, et par mesme moyen contraindre tous ceulx desquels vous aurès subson, à vous faire ouvertures de leurs maisons affin que vous y puissiés chercher et perquérir lesditz reliquères cachés, et d'habondant vous mandons et comettons d'arrenter et admodier les biens, rantes, pensions, dismes et aultres quelconques despendans desditz bénéfices, monastères et couvens et nomément du prieuré de la Sonne, aux plus offrants et derniers enchérisseurs à personnes solvables^ pour en rendre compte et fournir les deniers qui proviendront desditz arrentements au proffit du Roy, et pour ce faire vous permettons et à ceux qui pour vous seront à ses effectz commis, substitués et députés, faire et passer tous contraictz et paches requises et nécessaires qui seront inviolablement gardés et observés et généralement faire et commander esd. lieux tout ce que vous verres estre requis pour le service desd, magestez. Mandons et commandons à tous justiciers, officiers, manans et habitans desditz lieux de quelque estat ou qualité qu'il soit qu'ils aient à vous obéir sur peyne d'estre par vous pugnis et chasties comme rebelles au Roy, ainsy que de ce faire nous vous donnons pouvoyr et autorité par ces présentes que nous avons signées et fait séeller du seel de noz armes.
Faict a Grenoble le dernier de juin 1562
- Les Adres. Par monseigneur de Salles.
(Source : Bulletin de la Société Départementale d'Archéologie et de Statistique de la Drôme, tome 26, année 1892, pages 335 à 338).
|
CHOSSON
Daphné
CHOSSON Guy ( ? - ? )
